Entre os años 1989 e 2001, o ciprés da Anunciada foi obxecto de varios tratamentos químicos, baixo a tutela do Concello de Vilafranca do Bierzo e do Catedrático de Bioloxía Vexetal, Don Carlos Manuel Romero Rodríguez.

A pesar disto, o decaimento da árbore é progresivo, e  o seu grave  estado de conservación require a instauración dun Plan de Xestión para a súa restauración integral: tratamentos, control e seguimento a curto, medio e longo prazo do exemplar. Traballo que dende o ano 2003 vén realizando o Equipo Técnico de D. Bernabé Moya, Botánico e Paisaxista, sen percibir ata hoxe ningún tipo de axuda económica.

LIÑAS DE ACTUACIÓN

As actuacións a desenvolver van encamiñadas á conservación da árbore, mediante medidas urxentes de intervención e restauración, froito dun estudo dendrológico integral da árbore e do entorno.

Ditas actuacións  estendense  inicialmente ata o ano 2006, momento no que se ensalza o catrocentos aniversario da fundación do mosteiro, e con toda probabilidade a plantación do Ciprés.

Neste mesmo prazo promoveráse a posta en valor do Ciprés da Anunciada, para elo desenvolveráse unha campaña de educación ambiental nos colexios do entorno, a edición de material divulgativo e a realización dun libro que recolla todo o legado histórico e cultural que a árbore ten xenerado na súa dilatada e extraordinaria existencia. 

TRATAMENTOS FITOSANITARIOS

Dado o grao de ataque que presenta o Ciprés da Anunciada e o seu previsible evolución, é necesario un control fitosanitario progresivo e en función da resposta da árbore, co obxectivo de tratar as patoloxías existentes e alongar o máis posible a vida do exemplar.

ACTUACIÓNS COMPLEMENTARIAS

Para conservar o individuo nas mellores condicións de vida, ademais dos mencionados tratamentos fitopatolóxicos, é urxente a realización das siguintes obras:

- Consolidación do muro de contención do talude en que se atopa o ciprés e reparación de presa de rego.

 - Restauración paisaxística, mediante a sustitución da vexetación circundante por outra máis adecuada.

MULTIPLICACIÓN DO CIPRÉS DA ANUNCIADA

Un exemplo claro da preocupación das Irmás pola saúde da árbore e do seu lento pero progresivo empeoramento é  interese e dificultades que teñen para multiplicar e perpetuar o Ciprés da Anunciada. Dunha parte, porque a fructificación da árbore foi diminuindo ata case non producir gálbulos, mostra evidente da súa debilidade física. Doutra, que nos anos que se conseguiron sementes, a maior parte destaa, aínda que xerminaron, sucumbiron pouco despois da xerminación. 

Para garantir a continuidade deste monumento vivo a través da súa descendencia, é indispensable a aplicación dos correspondentes tratamentos fitosanitarios no viveiro.